Alarmon Amerika: Rusia drejt pushtimit të shtetit të madh evropian

“Bloomberg” shkruan se SHBA ka informuar aleatët e saj evropianë mbi mundësinë e pushtimit që Rusia mund t’i bëjë Ukrainës.

“Informacioni përfshinë hartat që tregojnë akumulimin e trupave ruse dhe përgatitjet për një operacion në shkallë të gjerë në Ukrainë nëse Vladimir Putin vendos ta pushtojë”, thuhet në artikull.

I njëjti informacion flet për një skenar në të cilin trupat do të kalonin në Ukrainë nga Krimea dhe përmes Bjellorusisë, me rreth 100 grupe batalioni të rregullt, ndoshta rreth 100,000 ushtarë në një operacion në acar.

Sipas dy burimeve të cituara nga Bloomberg, rreth gjysma e trupave janë tashmë në vend dhe çdo pushtim do të kishte mbështetje ajrore. Javën e kaluar, presidenti rus mohoi çdo qëllim për pushtim, por përshëndeti alarmin në Perëndim si dëshmi se veprimet e tij kishin tërhequr vëmendjen e Shteteve të Bashkuara dhe aleatëve të saj, të cilët ai i akuzoi se nuk i kishin marrë seriozisht “vijat e kuqe të Rusisë për Ukrainën”.

Javën e kaluar, Rusia e quajti “të papranueshme” zgjerimin ushtarak të NATO-s në Ukrainë dhe paralajmëroi se do t’i përgjigjet lëvizjeve të Aleancës”.

Be the first to comment on "Alarmon Amerika: Rusia drejt pushtimit të shtetit të madh evropian"

Leave a comment

Your email address will not be published.


*